ანალიზებისთვის მომზადება

• რეკომენდებულია ტესტის ჩატარება დილით გაღვიძებიდან 2 საათის განმავლობაში.
• სისხლი არ უნდა იქნას აღებული გინეკოლოგიური გამოკვლევის, ფიზიკური დატვირთვის, სტრესული სიტუაციების ან ძუძუს სტიმულაციის შემდეგ.
• რეკომენდებულია ტესტის ჩაბარებამდე ერთი დღით ადრე, სქესობრივი კავშირისა და ალკოჰოლის მიღებისგან თავშეკავება.
• ჩასახვის საწინააღმდეგო აბებმა, არტერიული წნევის წამლებმა, ანტიდეპრესანტებმა შეიძლება გავლენა იქონიოს შედეგებზე და უნდა შეწყდეს ექიმის დანიშნულებით.

• ანალიზი ტარდება დილით უზმოდ ან სამუშაო დღის განმავლობაში, საკვების მიღებიდან ექვსი საათის შემდეგ (თავიდან უნდა აიცილოთ ცხიმოვანი საკვების მიღება).
• თავი შეიკავეთ ეაკულაციისგან 48 საათის განმავლობაში.
• ამ ტესტის ჩატარება მიზანშეწონილია არა უადრეს სამი დღისა (ოპტიმალურია 6-7 დღე), უროლოგიური მანიპულაციების, რექტალური გამოკვლევის, ერგომეტრიის, ცისტოსკოპიისა და კოლონოსკოპიის, პროსტატის მასაჟის შემდეგ. პროსტატის ბიოფსიის დასრულების შემდეგ, ოპტიმალურია ტესტირება სამი კვირის შემდეგ.
• მიზანშეწონილია, ტესტირებამდე სამი დღის განმავლობაში, თავი შეიკავოთ ფიზიკური ვარჯიშებისგან, რამაც შეიძლება გავლენა მოახდინოს პროსტატის ჯირკვალზე (ველოსიპედი), ასევე სითბური პროცედურებისგან (საუნა,მზის აბაზანები და სხვა).

• პროთრომბინის ინდექსის განმეორებითი შესწავლისთვის მიზანშეწონილია სისხლის აღება, ერთსა და იმავე დროს.
• პაციენტები, რომლებიც იღებენ ჰორმონალურ მედიკამენტებს, არ უნდა დაარღვიონ მიღების გრაფიკი ანალიზის ჩაბარების დღეს, თუ ექიმის არ არსებობს სპეციალური რეკომენდაციები.

• შარდის შეგროვების წინ ჩაიტარეთ ჰიგიენური პროცედურა.
• გახსენით კონტეინერი უშუალოდ შარდის შეგროვების წინ
• სასურველია კონტეინერში შეგროვებული იყოს შარდის შუა ნაკადი
• თუ შარდის შეგროვებიდან ერთი საათის განმავლობაში ვერ ახერხებთ ნიმუშის მოტანას ლაბორატორიაში მაშინ შეინახეთ შარდიანი კონტეინერი მაცივარში მაქსიმუმ 2 სთ-ის განმავლობაში

• 24 სთ-იანი შარდის შეგროვება უნდა მოხდეს სტერილურ სუფთა ჭურჭელში (2-3 ლიტრიანი).
• დაიწყეთ შარდის შეგროვება მაგ. დილის 7 საათზე, პირველი ულუფა გადაღვარეთ.შემდეგი ყველა ულუფა (დღის, ღამის განმავლობაში), მეორე დღის დილის 7 საათიანი ულუფის ჩათვლით, შეაგროვეთ 2–3 ლიტრიან შეძლებისდაგვარად გასტერილებულ ქილაში, რომელიც შარდის შეგროვების პროცესში უნდა შეინახოთ თავდახურული ბნელ და გრილ ადგილას.
• შარდის შეგროვების დამთავრების შემდეგ აუცილებლად ჩაინიშნეთ 24 საათში გამოყოფილი შარდის რაოდენობა! 
• შეგროვების დამთავრების შემდეგ ქილა შეანჯღრიეთ, სპეციალური შარდის სატრანსპორტო კონტეინერით ამოიღეთ 10 მლ. შარდი, კონტეინერს მჭიდროდ დაახურეთ სახურავი და გამოაგზავნეთ ლაბორატორიაში.

• მინიმუმ ერთი კვირის განმავლობაში პაციენტს არ უნდა ქონდეს მიღებული ანტიბიოტიკები
• უნდა იყოს აღებული დილის პირველი შარდი
• შარდის აღებამდე პაციენტმა უნდა დაიბანოს გენიტალიები საპნით (უმჯობესია სარეცხის საპონი).
• შარდის პირველი და ბოლო პორცია უნდა იქნას გადაღვრილი და შარდის კონტეინერში უნდა მოხვდეს შუა პორცია
• აკრძალულია სხვა ჭურჭლიდან შარდის გადატანა სტერილურ შარდის კონტეინერში
• შარდი აღებიდან ერთი საათის განმავლობაში ინდა იქნას მოტანილი ლაბორატორიაში.
• თუ ერთი საათის განმავლობაში ვერ შევძლებთ ტრანსპორტირებას ლაბორატორიამდე, მაშინ უნდა შევინახოთ მაცივარში.

კვლევისთვის იგზავნება ბუნებრივი დეფეკაციის შემდეგ შეგროვებული განავალი . ჭიების კვერცხებისა და კოპროგრამის ერთდროულად შესასწავლად,  შესაძლებელია მასალის შეგროვება ერთ კონტეინერში.                                                                                       

განავლის შესაგროვებელი ერთჯერადი კონტეინერი

ყურადღება!

არ ხდება ოყნის , რექტალური სანთლების, აბუსალათინის და ვაზელინის გამოყენების შემდგომ მიღებული განავლის  გამოკვლევა.

• მასალის შეგროვება არ უნდა მოხდეს მენსტრუალური სისხლდენის დროს
• გამწვავებული ბუასილის პერიოდში
• შინაგანი სისხლდენის დროს
• სპეციალური დიეტის დაცვა არ არის აუცილებელი
• ალკოჰოლმა და სხვადასხვა მედიკამენტებმა როგორიცაა: ასპირინი, ინდომეტაცინი, ფენილბუტაზონი, რეზერპინი, კორტიკოსტეროიდები და არასტეროიდული ანთების საწინააღმდეგო საშუალებები,  შესაძლოა გამოიწვიოს საჭმლის მომნელებელი სისტემის დაზიანება და შემდგომ სისხლდენა, ე.ი. გვაძლევს ცრუ დადებით რეაქციას.აქედან გამომდინარე,  ასეთი ნივთიერებების მიღება  აკრძალული უნდა იქნას 48 საათის განმავლობაში მასალის აღებამდე.
• განავალი უნდა შეგროვდეს სუფთა, მშრალ კონტეინერში. 5 სხვადასხვა ადგილიდან ჩხირით აღებული მასალა უნდა მოვათავსოთ პატარა ტუბში, ფრთხილად გადავატრიალოთ, შევანჯღრიოთ, უნდა მივიღოთ ჰომოგენური მასა. ასეთი სახით ტუბში მოთავსებული მასალა ინახება ოთახის ტემპერატურზე 3 დღე. მაცივარში 7 დღე. -20 გრადუსზე 3 თვე.

• ჭიის კვერცხებზე სრულყოფილი კვლევის ჩასატარებლად საჭიროა განავლის და სპეციალურად მომზადებული ბამბის ტამპონის კვლევა.
• განავლის ანალიზის ჩასატარებლად საჭიროა იმავე დღის განავალი, მაგრამ თუ წინა დღის განავლის ანალიზის მოტანა გსურთ, აუცილებელია განავალი მოტანამდე შეინახოთ ცივ ადგილას პლასტმასის ან მინის ჭურჭელში მცირე რაოდენობით.
• კონტეინერში მოათავსეთ 10 მლ თხელი განავალი ან კაკლის ზომის განავლის ნიმუში. მნიშვნელოვანია განავლის აღება სხვადასხვა უბნიდან, განსაკუთრებით იმ უბნებიდან, სადაც ჩანს ლორწო ან სისხლი.
• საბოლოო პასუხისათვის საჭიროა ჩატარდეს აგრეთვე ბამბის ტამპონის კვლევაც, რომელიც უნდა მოიტანოთ შემდეგნაირად მომზადებული: საღამოს,7-8 საათის შემდეგ, არ უნდა დაიბანოთ უკანატანი. დილით, გაღვიძებისთნავე დასველებული  და გაწურული 5 სმ დიამეტრის  ბამბის ტამპონით  ჩამოიწმინდეთ უკანა ტანის ნაოჭები   მჯდომარე მდგომარეობაში. დაბინძურებული ბამბის ტამპონი მოათვსეთ ერთჯერად პარკში ან სპეციალურ კონტეინერში. პროცედურის შესრულების წინ და შემდეგ საგულდაგულოდ დაიბანეთ ხელები.

• კოპროლოგიური გამოკვლევისთვის საჭიროა ახალი განავლის შეგროვება მშრალ, სუფთა პლასტმასის ან შუშის კონტეინერში (სტერილური ერთჯერადი განავლის კონტეინერი) 10-15 გ ოდენობით.
• განავლის კონტეინერი მჭიდროდ არის დახურული სახურავით, მოთავსებულია სუფთა ერთჯერადი ტომარაში და მიტანება ლაბორატორიულ ცენტრში.

• კვლევისთვის საჭირო მასალების შეგროვება ხორციელდება დილით, საწოლში, ჰიგიენის პროცედურებამდე და დეფეკაციამდე.
• მასალის მოსაგროვებლად აუცილებელია გამჭვირვალე წებოვანი ლენტი , დაახლოებით შუშის სლაიდების ზომის („ვიწრო სკოჩი“), რომელსაც წებოვანი მხრით აწებებენ პერიანალურ ნაკეცებზე, შემდეგ იმავე მხრით საკვლევ მასალასთან ერთად აწებებენ სუფთა მინის სლაიდზე.
• სლაიდი (სასაგნე მინა) მოთავსებულია სუფთა ერთჯერად ტომარაში და მიეწოდება ლაბორატორიულ ცენტრს.
• არ გამოიყენოთ მქრქალი ან ფერადი წებოვანი ლენტი მასალის მოსაგროვებლად!
• სლაიდების (სასაგნე მინის) აღება შესაძლებელია „სინევოს“ ლაბორატორიულ ცენტრებში.

• კვლევამდე 2-3 დღით ადრე, მიზანშეწონილია დაიცვათ დიეტა და მოვერიდოთ ისეთი საკვების მიღებას, რომელიც ხელს უწყობს ფერმენტაციის პროცესს ნაწლავებში, კერძოდ, რძის პროდუქტებსა და ალკოჰოლს.
• მასალა გროვდება სტერილურ კონტეინერში, ხრახნიანი და მასალის შესაგროვებელი კოვზიანი თავსახურით.
• შეაგროვეთ განავალი დეფეკაციის შემდეგ – დილის ულუფა. აკრძალულია „უნიტაზიდან“ განავლის შეგროვება.
• განავალი გროვდება სტერილური ზედაპირიდან-ე.წ. ღამის ქოთანი ან „სუდნო“, რომელიც კარგად არის გარეცხილი საპნით და ღრუბლით, რამდენჯერმე ჩამორეცხილი ონკანის წყლით, შემდეგ კი მდუღარე წყლით დამუშავებული და გაგრილებული. აკრძალულია ქოთნის ზედაპირის დამუშავება სადეზინფექციო საშუალებებით.
• განავალი იღება ძირითადად შუა პორციიდან, სპეციალური კოვზით, რომელიც დამონტაჟებულია სტერილური კონტეინერის სახურავში, კონტეინერის მოცულობის არაუმეტეს 1/3-ის ოდენობით (10 გრამამდე – კოვზი). ნუ შეავსებთ კონტეინერს ბოლომდე.

ყურადღება! არ ექვემდებარება კვლევას:

·         საწოლებიდან, ხელსახოცებიდან, საფენებიდან შეგროვებული მასალა.

·         კონტეინერი, რომელიც ივსება ბოლომდე.

• გამორიცხეთ სქესობრივი კავშირი კვლევამდე სამი დღის განმავლობაში.
• ნუ მიიღებთ ანტიბაქტერიულ პრეპარატებს 14 დღის განმავლობაში.
• ქალებისთვის: გამორიცხეთ დუჟირება და ინტრა-ვაგინალური სუპოზიტორიების, მალამოების, ტამპონების გამოყენება სამი დღის განმავლობაში.
• მამაკაცებისთვის: თავი შეიკავოთ ეაკულაციისგან სამი დღის განმავლობაში.
• უროგენიტალური მასალის შეგროვება ლაბორატორიულ ცენტრში არ ხორციელდება.(მხოლოდ მოტანილი მასალა).